मुख्य मजकुरावर जा
ताजा बातम्या
Sunday, 22 November 2026

VIDEO अपलोड करूनही कारवाई कुठे? जोशीवाड्यातील कथित ‘ब्लॅक’ मद्यविक्रीकडे उत्पादन शुल्क विभागाचे दुर्लक्ष?

nndlivenews@gmail.com वार्ताहर
August 18, 2026 1 मिनिट वाचन 23 वाचन

माळेगाव | प्रतिनिधी. 15 ऑगस्टच्या ड्राय डे दिवशी माळेगाव बुद्रुक येथील जोशीवाडा परिसरात ‘ब्लॅक’मध्ये दारू विक्री झाल्याचा आरोप करणारा VIDEO NND LIVE NEWS कडून प्रसिद्ध करण्यात आला. VIDEO समोर आणल्यानंतरही संबंधित प्रकरणात राज्य उत्पादन शुल्क विभागाकडून कारवाई झाल्याचे अद्याप दिसून येत नसल्याने, आता उत्पादन शुल्क विभाग नेमके काय करत आहे? असा सवाल उपस्थित होत आहे.

ड्राय डेच्या दिवशी मद्यविक्रीवर निर्बंध असतानाही कथितरित्या मद्यविक्री झाल्याचा VIDEO समोर आला आहे. या VIDEOच्या आधारे संबंधित विभागाने घटनास्थळी तपासणी केली का? VIDEOची सत्यता पडताळण्यात आली का? आणि नियमभंग आढळल्यास संबंधितांवर कोणती कारवाई करण्यात आली? याबाबत नागरिकांमध्ये प्रश्न निर्माण झाले आहेत.

विशेष म्हणजे, NND LIVE NEWS ने VIDEO सार्वजनिक केल्यानंतरही कोणतीही कारवाई झाल्याचे समोर आलेले नाही. त्यामुळे उत्पादन शुल्क विभागाकडून या प्रकरणाची दखल घेण्यात आली आहे का, याबाबतही संभ्रम निर्माण झाला आहे.

VIDEO समोर, मग कारवाई कधी?

15 ऑगस्टसारख्या ड्राय डेच्या दिवशी जर प्रत्यक्षात नियमांचे उल्लंघन करून मद्यविक्री झाली असेल, तर संबंधितांवर नियमानुसार कारवाई होणे अपेक्षित आहे. मात्र VIDEO प्रसिद्ध झाल्यानंतरही कारवाईची माहिती समोर न आल्याने “उत्पादन शुल्क विभाग नेमके काय करतोय?” असा थेट सवाल आता नागरिकांकडून उपस्थित केला जात आहे.

जोशीवाडा परिसरातील या कथित प्रकाराची तातडीने चौकशी करून VIDEOमध्ये दिसणाऱ्या बाबींची सत्यता तपासावी. नियमभंग सिद्ध झाल्यास संबंधितांवर कठोर कारवाई करावी आणि करण्यात आलेल्या कारवाईची माहिती सार्वजनिक करावी, अशी मागणी होत आहे.

दरम्यान, VIDEOमधील घटना, व्यक्ती आणि मद्यविक्रीचा प्रकार याबाबत अधिकृत तपासणी होणे बाकी आहे. संबंधित विभागाची अधिकृत भूमिका किंवा स्पष्टीकरण मिळाल्यास तेही वृत्तात समाविष्ट करण्यात येईल.

आता VIDEO समोर आल्यानंतर राज्य उत्पादन शुल्क विभाग या प्रकरणाची दखल घेणार का? चौकशी होणार का? आणि नियमभंग आढळल्यास कारवाई कधी होणार? याकडे माळेगावकरांचे लक्ष लागले आहे.

NND LIVE NEWS

जनतेच्या पथासाठी, जनतेच्या हितासाठी..!

nndlivenews@gmail.com

NND LIVE NEWS is a Marathi digital news platform with 3 years of journalism experience, delivering fast, accurate, and reliable news from across Maharashtra. We cover breaking news, crime, politics, social issues, and important events with a commitment to truth, transparency, and fearless journalism. NND LIVE NEWS – Fearless Journalism, Standing with the Truth!

सर्व लेख पहा

तुमची प्रतिक्रिया द्य NND LIVE NEWS

Your email address will not be published. Required fields are marked *